قَــال رســول اللــه صلَّــى اللّــهُ علــيه وسلّــم : " لا يــؤمــن أحــدكــم حــتى يحــب لأخــيــه مــا يحــب لنــفــسه "
  • مع عادل المراكشي .. أستشاري تنمية وتسويق المشروعات الصغيره
  • أفتح مطعمك فورآ بأقل التكاليف
  • أتعلم أزاى تصدر ملابس وأنت لا تملك أى رأس مال
  • للسيده الفاضله ايمان اطيب
‏إظهار الرسائل ذات التسميات أساسيات لنجاح مشروعك. إظهار كافة الرسائل
‏إظهار الرسائل ذات التسميات أساسيات لنجاح مشروعك. إظهار كافة الرسائل

الاستيراد من الصين .. جميع مبادئ التصدير والاستيراد بالتفصيل الشامل


موضوع مرتب ومنظم نقلته لكم لأكبر استفاده ممكنه وفر عليا وقت كبير لو كنت هكتبه بنفسي
احتمال تكون مش محتاجها انهارده لكن ممكن باذن الله تحتاجها بكره
الإستيراد والتصدير مجال ممتع وليس بالصعب تماما ويطلق علي بيع أو شراء المنتجات بشكل تجاري بين الشركات,
ومما يجعل العمل في هذا المجال صعباً الفساد المنتشر في بلادنا في صورة إحتكار الكثير من السلع بواسطة عدد من التجار وبمساعدة بعض مسؤولي الحكومات ولكن لاعلينا من ذلك فيمكننا أن نبدأ صغارا ثم نتدرج لنصبح كبارا ويمكن التغلب علي جميع العقبات فلا يوجد مستحيل.
هذا المجال قد يظنه البعض مجالاً بعيداً يقتصر علي من يملكون رؤوس الأموال الكبيرة وهذا في الحقيقة معتقد خاطئ تماماً,
نحن اليوم في القرن الحادي والعشرون من الزمان ولدينا تقنيات ووسائل أمان عديدة وقد تم وضع علم التجارة الإلكترونية خصيصاً للبيع والشراء عبر الانترنت دون الحاجة الي السفر بعيدا! ونشير إلي أن المعتقد السائد انه يجب علي المستورد أن يسافر بنفسه ليقوم بعملية الاستيراد هو معتقد خاطئ ويفوت علي الكثيرين فرصة إنشاء أعمال أو شركات خاصة بهم

مشروع من غير ولامليم .. ولامليم بمعني الكلمة ..


أيها الأخوه والاخوات ..اكتر من حد عارضني اني بقول في مشاريع من غير ولا مليم نهائي .. وقالي مفيش الكلام دا .. لازم فلوس وفلوس كتير كمان .. او حتى قليله انما لازم فلوس .. ابتسمت وقلت له طيب مستعد تسمع عن مشروع من غير فلوس وخطوه خطوه وبكل التفاصيل وجاهز للتنفيذ فورا .. 
اسمع ياسيدي .. 
نزلت معرض سيارات اتفقت معاه لو جبت له عميل للعربيات نسبتي هتكون كام .. وعرفت مواصفات العربيات اللي عنده واسعارها .. روحت البيت كتبت ورقه فيها سياره للبيع .. وكتبت كلمتين تسويق من بتوعي يشدوا اللي بيقرأ .. وعلقتها فلوحه الاعلانات فالعماره .. 

مشروع ب200 جنيه..


الاخت الفاضله اللي سألت علي مشروع ب200جنيه وانا رديت عليها برابط لأكثر من مشروع انا نفذتهم بنفسي.. 
وبالرغم من كده لقيت ردود هدامه جدا.. ناس بتتكلم من غير علم.. 
ياريت ياريت اللي يتكلم يتكلم عن علم.. من فضلكم وتأكيد للكلام ان200جنيه ممكن تبدأ بيهم انزلوا باب البحر.. انزلوا الموسكي.. انزلوا درب سعاده.. اللي عايز يشتغل يقفل النيله دا ويلبس وينزل.. القعده دي هتجيب لكم الفقر.. 
اتأكدوا من الكلام قبل ما تقولوه.. احنا سوق كبيييير جدا جدا.. وبيستوعب وهيستوعب الكل.. ومتسمعوش كلام وترددوه.. لسه كان معانا اخ هنا فالجزوب عمال يقاوح معايا ويقولي نزلت ومش لاقي اسعار حلوه تاني مره ينزل ولف كويس لقي اسعار مكنش يتوقعها ولايحلم انها تكون موجوده وبدأ وربنا يكرمه.. 

أبدأ مشروعك دلوقتي حالآ .. معاك فلوس او ممعكش .. ومش هتفشل ..


انا عمري كله فالسوق فوق ال30 سنه وعمرى ماشفت مشروع بيفشل كل المشاريع ناجحه .. لما بتبدأ صح .. والمشاريع اللي بتفشل هي اللي بتبدأ غلط ..
ولو متفهمش فمشروع وعايز تعمله ابدأ بأقل مبلغ بحيث لو ضاع متتعبش .. اتعلم فيه .. 
مينفعش .. مينفعش مينفعش اعمل مشروع مفهمش فيه ..
الاجزخانه بتكسب .. والزبال بيكسب .. والدكتور بيكسب .. لكن الناس دى مصحيتش الصبح قالت .. اه والله مشروع الزباله دا حلو وبيكسب انا هشتغل فيه .. ولا واحد صحي الصبح قال انا هفتح عياده ..
مش كل حاجه راس المال .. ياما ناس اشتغلت من الصفر وبقت مليونيرات .. وياما ناس جمعوا قرشين من وظيفه او سفر او مشروع وعايزين يعملوا بيهم اى حاجه تدخل لهم فلوس .. لأ .. مينفعش كده ..
اللي معاه قرشين يروح يتعلم فأي مشروع وميتكبرش .. بدل ما فلوسه تضيع ويتذل ادام الناس ..
حافظوا علي فلوسكم .. اشتغلوا ب١٠℅ من اللي معاكم لو معندكوش خبره .. اوعوا تزودوا عن كده ..
شاركوا بيهم حد عنده خبره وابدؤا واحده واحده لكن فلوسك انت اللي مسؤل عنها اوعي تسلمها لحد ..
ومن خلال الشركه هتعرفوا بعض وهيبان العيوب والمميزات .. الشركه دى اكتر من الجواز علي فكره ..
ياريت ياريت ياريت .. اللي من غير خبره ينزل السوق اى سوق .. سوق الحديد .. فقليوب لو حد عايز يشتغل فالحديد .. يزل يلف ويسأل ويتعرف علي التجار ويسألهم وياخد بنصايحهم .. صحيح معظم التجار هيقولوا لك احنا بنخسر لكن ميهمكش .. اسمع منهم .. وهتلاقي فالاخر التجار المحترمه اللي تفيدك ..
الكلام دا فأي مجال .. ملابس .. انزل القنطره اتعب انزل الموسكي .. ادوات منزليه انزل ابو النمرس اتعب .. جنبك مصانع ادخل متخافش اسأل .. واتكلم مع صاحب المصنع او مدير المبيعات قوله ينصحك .. انزل .. كفايه تاخد معلومات من النت وانزل طبق عملي ..
قوم اطمن علي صحتك .. وخلي رزقك مبارك فيه وانت صغير .. كل ماتكبر هتتقل .. ابدأ و هتعلي وبيتك هيعلي وبلدنا هتعلي والناس كلها هتعلي .. بشغلك انت .. وهو .. وهي .. وانا .. الشغل له متعه محدش يقدر يوصفها .. 
والدى 83 سنه وعنده شركه وبيشتغل وبينزل كل يوم .. جارى 90 سنه وهو من اكبر التجار فمجاله .. والسواق بيجيله كل يوم وبينزل يشتغل ..
انزل
اعمل خطه .. هات ورقه وقلم .. انهارده .. لأ .. دلوقتى .. 
واكتب انت نفسك تبقي ايه .. 
واكتب اسهل طريقه لتحقيقه 
واكتب الخطوات اللي لازمه لتحقيقه 
وابدأ فورا فأول خطوه .. ربك هيعينك لما يلاقي اصرارك وجهدك ونيتك الطيبه ..
ومتنساش انك جاى الدنيا اساسا شويه صغيره اوى والمفروض ترجع لبيت ابوك وامك .. ترجع للجنه ..
فكل خطوه فحياتك لو مكنتش ترضي ربك .. فأنت كده بتضيع عمرك علي الفاضي .. ولاتبقي طلت دنيا ولا جنه ودى تبقي مصيبه ..
اشتغل بأمانه واخلاص وخلي الشغل طريقك للجنه ..
اتجوز وحب زوجتك فالله وخلي معاملتك لزوجتك طريقك للجنه ..
خلف .. ان قدر لك .. وربي ولادك علي انهم جايين الدنيا علشان يرضو ربهم فحياتهم وتعليمهم وشغلهم ومعاملتهم مع الناس .. ويرجعوا للجنه ..
اشتغل وعامل الناس بحب وأقف جنبهم وخليهم طريقك للجنه 
خلي هدفك فالحياه هو الجنه .. قول انا هشتغل كويس وبأتقان وامانه وحب علشان ربي يرضي عني ..
اوعي تفكر فرزقك .. لانه مكتوب لا هيزيد ولا هيقل .. مش هتموت قبل ماتاخد اخر قرش ربنا كاتبهولك .. لكن برضي ربك .. هيبارك لك فيه .. وهيخليك تستفيد منه .. وتسعد بيه وتسعد اللي حواليك ..
وعل رأي سواق ميكروباص كان كاتب كلمه جميله وكتبها اكيد لانه جربها وكل واحد فالسوق عارف كده بس الشيطان بيلعب بيه .. كان كاتب ..
.. لو كان الرزق بالجرى .. مكنش حد حصلنا ..
مش هيزيد .. فأشتغل بحب .. مش هيزيد .. فأشتغل بأمانه .. مش هيزيد .. وحب لاخوك اللي بتحبه لنفسك وعامله زى ماتحب ان الناس تعاملك ..
رزقك مش هيزيد .. لكن البركه فيه لما ربك يرض عنك هتزهلك ..
ابدأ .. وانت مطمن ان ربك معاك .. انت عليك تسعي بنيه صافيه وبهدف نبيل .. وربك عليه التوفيق .. لكن خلي بالك ..
اذا دخلت فشغل ولقيت الدنيا مأفله فوشك ومش راضيه تفتح اعرف ان الشغل دا مفيش فيه خير لك لادنيا ولا اخره .. ربك بيحبك وعايزلك الخير .. حاول فمكان تاني ومتزعلش .. افرح انه عايزلك الخير .. انت بس اسعي وخلي نيتك كويسه والله الذي لا اله الاهو ربنا هيفرح قلبك .. دا ربنا جميل اوى.
#adelelmarakshy
#عادل_المراكشي
#الهدف_جنة

ولئن شكرتم لأذيدكم

صباح الفل علي الكل ..
لاحظت ان في ناس لهم خبره كبيره .. ولكن عندما يسأل عضو ما سؤال .. فأن هؤلاء ذو الخبره يلتزمون الصمت .. اخوتي واخواتي .. احب أذكركم ب ...
''أن لله عباداً اختصهم لقضاء حوائج الناس .. حببهم للخير وحبب الخير إليهم .. أولئك الناجون

البوست دا فيه الخلاصه لأى حد عايز يشتغل فالتجارة ..


(اماكن بيع الجمله)
صباح الورد والزهور والفرح المنثور على اجمل وارقى اعضاء أسرة جروبنا الجميل ..
من اكتر الاسئله على معظم الجروبات ..
* انا نفسي اشتغل في الملابس ومش عارف اجيب ملابس جمله منين ؟؟
* وكمان في ناس تانيه بتسال وتقول عايزه افتح محل او اشتغل في الحاجات اللي بتتباع ب 2 ونص وعايزه اعرف الحاجات دي بتتباع فين جمله؟؟