انا هقول لكم الخطه اللي كنت راسمها.. والخطوات اللي اخدتها ..
والفكره جت لي لما أخذت محل كبير للملابس في مدينه نصر.. ففكرت اني اعمل جزء للمنتجات الصغيره اللي عليها طلب..
زي توك الاطفال واكسسوارات الاطفال واي رفايع صغيره لا تزيد عن 2.5جنيه واقل..
الجزء دا كان بيبيع بمكاسب كبيره جدا ..
هدي كل شاب عشر دست 120قطعه تكلفتها 180جنيه=اجمالي ال10شباب1800ج.
1200قطعةهتتباع ب2.5 =3000ج
التكلفه 1800-3000=1200ج مكسب يومي
تعالوا بقي نخصم.. 60جنيه لكل مندوب =600 جنيه
هوالك حاجه باظت حاجه اتسرقت 100جنيه ..يبقي المكسب الصافي 500جنيه فاليوم
اوم ايه .. ابتديت انفذ فعلا وجبنت 2مندوبين اجرب فيهم لكن جبت منتجات ب5جنيه تتباع ب7.5 جنيه.. الاتنين مناديب بس عملوا 300جنيه في اليوم.. مكسب.. وانا طلع لى زيهم
طبعا موضوع هايل جدا جدا 
وكنت شاري لهم استوك كبير من البضاعه.. وبعد ماخلصوها.. كان عندي ضغط شغل جامد وكسلت اني انزل انقي بضاعه تانيه يوزعوها وأخد من وقت شغلي الاساسي .. واهملت الموضوع..
لكن فعلا انا ساعة ما عملت كجه كنت مش مشغول.. وكان في فتره انتقاليه بين الصيف والشتا ودى بتكون عند كل تجار الملابس .. كنت هكمل وهزود المناديب وخصوصا اني كنت عامل لهم خريطه بكل منطه هينزلوا فيها..
ومحفظهم اسلوب الكلام مع الناس.. مش يدخل يقول كلام يزهق الناس منه 
كان اسلوب تاني خالص
كان ناجح جدا جدا بفصل الله.. وهى دى الزتونه على فكره.. ازاى لما تدخل على انسان تخليه يشترى بنسبه كبيره
كان ناجح جدا جدا بفصل الله.. وهى دى الزتونه على فكره.. ازاى لما تدخل على انسان تخليه يشترى بنسبه كبيرهمش الاسلوب العقيم بتاع تسمحلى اخد من وقت حضرتك دقيقه
كانت تجربه ناجحه جدا.. وكانت من ضمن اقتراحاتي لشباب كتير وكتير نفذوعا وعملوا منها رسمال كويس.. وفي منهم معانا هنا بالجروب.. وكانوا بينفذوها لغايه ما يعملوا مبلغ محترم.. وبعدين ابتدوا يشتغلوا جمله من بيت احدهم وبعدين اجروا محل وربنا كرمهم اخر كرم.
زمااان واحد صديقي موظف كان بيقولى العربيه ب120ألف جنيه.. يعني لازم كل شهر احوش 1000جنيه لمده 120شهر يعني عشر سنين علشان اجيب العربيه دي.. ودا مستحيل..
كنت ديما اقوله متتحسبش كده.. انت اسعي.. والباقي بتاع ربنا.
ودارت الايام وقبل ال10سنين بكتيييير كان عنده عربيه بأكتر من المبلغ دا.. وفيلا في اكتوبر.. ودلوقتي بسم الله ماشاء الله..
سعي.. وكان سمعته كويسه في السوق وكان التجار بيدوله بضاعه بالأجل علشان سمعته.. وكان منتظم في السداد.. ولنيته الطيبه لقي محل سعره مناسب..
وابتدي المشوار.. ومازال بفضل الله ربنا يبارك له.
علشان كده انا مهتم جدا بالمشاريع الصغيره.. بل ومتناهية الصغر..
لأن دى المشاريع اللى ممكن تعمل منها رأسمال كبير يكون نواه لمشروع كبير ولأني عشت بنفسي تجارب كتير جدا بدأت بأقل القليل وبفضل الله وصلت بسعيها وسمعتها الطيبه ونيتها الكويسه لما لا يتوقعوه هم أنفسهم.
لاتيأسوا.. أسعوا بنيه طيبه.. ابنوا سمعه طيبه.. توكلوا علي من بيده مفاتيح كل شئ.. تفاءلوا.. وبأذن الله هيرضيكم.
صباحكم سعاده.
ليست هناك تعليقات:
إرسال تعليق